Grazas aos recortes sufridos pola sanidade pública, a Samuel este ano retiráronlle as axudas para poder ir a fisioterapia e hidroterapia, necesarias para manter minimamente a súa masa muscular.
A raíz deste drástico recorte, puxéronse en marcha, de xeito particular, por parte da familia e amigos, varias iniciativas para recaudar fondos para axudarlle aos pais a financiar estas actividades pois só traballa un dos pais e é moi complicado pagar mes a mes e todos os meses a rehabilitación.
Ademais da recollida de tapóns, coa que colabora o Concello con postos de recollida na Biblioteca Pública Municipal e no Centro Social Polivalente, tamén se pon este sábado en marcha na Feira a venda de libros doados.
